Sürət qatarı sərnişin avtobusu ilə toqquşdu: 8 nəfər ölüb - FOTO

Rusiyanın Yaroslav vilayətində sərnişin avtobusunun və sürət qatarının iştirakı ilə ağır yol qəzası baş verib.

Avtosfer.az yerli KİV-ə istinadən xəbər verir ki, hadisə aprelin 1-də Berendeyevo kəndi ərazisində qeydə alınıb.

Məlumata görə, şəhərlərarası hərəkət edən reys avtobusu nasazlıq səbəbindən qatar keçidinin üzərində qalıb və bu zaman hərəkətdə olan sürət qatarı ilə toqquşub.

Zərbənin şiddətindən avtobus deformasiyaya uğrayıb. Qəza nəticəsində sürücü və 7 sərnişin ölüb.

Faktla bağlı cinayət işi açılıb, araşdırma aparılır.

Namiq Musayev