Toydan qayıdanlar qəzaya düşdü: Sabiq polis əməkdaşı öldü, yaralılar var - YENİLƏNİB

Samuxda qəzada ölən şəxs sabiq polis əməkdaşı olub.

Mnik maşının hasara çırpılması zamanı dünyasını dəyişən Elmar Əsgərov Samux Rayon Polis Şöbəsində çalışıbmış.

O, bir müddət əvvəl təqaüdə çıxıb. (apa)

***

Samuxda qəza nəticəsində ölən və xəsarət alanların şəxsiyyəti məlum olub.

Hadisə rayonun mərkəzində qeydə alınıb.

Hərəkətdə olan "VAZ" markalı minik avtomobilinin idarəetmədən çıxaraq yol kənarındakı evin hasarına çırpılması nəticəsində 1977-ci il təvəllüdlü Elmar Hüseynov hadisə yerində dünyasını dəyişib.

Qəza nəticəsində 1970-ci il təvəllüdlü Bəhman Nəbiyev Həsən oğlu və 1977-ci il təvəllüdlü Nəbiyev Zaur Fikrət oğlu isə xəsarət alaraq xəstəxanaya yerləşdiriliblər.

Onlardan Z.Nəbiyevin vəziyyətinin ağır olduğu bildirilir.

***

Samuxda ölümlə nəticələn ağır yol qəzası baş verib.

Hadisə rayonun mərkəzində qeydə alınıb.

Hərəkətdə olan VAZ markalı minik avtomobili idarəetmədən çıxaraq yol kənarındakı evin hasarına çırpılıb. Qəza zamanı 1 nəfər ölüb, 2 nəfər xəsarət alaraq xəstəxanaya yerləşdirilib.

Məlumata görə qəzaya düşənlər toydan qaydırmış.

Faktla bağlı araşdırma aparılır. (apa)