Ukraynanın An-12 təyyarəsi Yunanıstanda qəzaya uğrayıb

Ukraynaya məxsus "Antonov An-12BK" yük təyyarəsi Yunanıstanın şimalındakı Kavala şəhəri yaxınlığında qəzaya uğrayıb.

"Report" xəbər verir ki, bu barədə "Greek City Times" məlumat yayıb.

"Ukraynaya məxsus An-12 təyyarəsi Serbiyanın Niş hava limanından İordaniyanın paytaxtı Əmman şəhərinə uçarkən pilotun Tasos adasının cənubunda fövqəladə vəziyyət elan etməsindən sonra Yunanıstanın şimalında qəzaya uğrayıb. Təəssüf ki, təyyarə Kavala hava limanına çata bilməyib ", - nəşrin saytındakı məlumatda deyilir.

Hadisə zamanı yük təyyarəsində 8 nəfər olub. Onların taleyi barədə məlumat yoxdur.