Yolda video çəkib məşhurlaşmaq istəyən sürücü qəzaya düşdü - VİDEO

Bakı-Sumqayıt yolunda qaydaları kobud şəkildə pozan sürücü qəza törədib. Avtosfer.az xəbər verir ki, "Toyota Prius" markalı avtomobilin sürücüsü ötmə və manevr qaydalarını pozaraq hərəkətlərini yanındakı sərnişin vasitəsilə videoya çəkdirib. O, avtomobillərin arası ilə hərəkət etmək istəyən zaman yolda hərəkətdə olan "Mercedes" markalı avtomobilə çırpılaraq qəzaya səbəb olub.
Bu tip videolarla məşhurlaşmaq istəyən əksər sürücülərin sonu qəza ilə nəticələnsə də, təəssüf ki, bundan nəticə çıxarmırlar. Əsasən də bu hərəkətləri gənclər edir. Onlar sosial şəbəkədə məşhurlaşmaq, izləyici kütləsi yığmaq üçün həm öz həyatlarını, həm də digər hərəkət iştirakçılarının həyatını təhlükə altında qoyurlar.

Nurlan Sakitoğlu