Yuxulayaraq qəza törədən sürücünün ETİRAFLARI - VİDEO

Son günlər sürücülərin sükan arxasında yuxulaması səbəbindən yol-nəqliyyat hadisələrinin artması narahatlıq doğurur.

Avtosfer.az xəbər verir ki, bu barədə Baş Dövlət Yol Polisi İdarəsi məlumat yayıb.

Növbəti belə hadisə Balakən rayonunda qeydə alınıb. Sürücünün sükan arxasında yuxulaması nəticəsində avtomobil idarəetmədən çıxaraq yol kənarında quraşdırılmış xüsusi texniki avadanlığa çırpılıb.

Qəza nəticəsində sürücü və sərnişin xəsarət alıb, yol kənarındakı texniki avadanlığa isə ziyan dəyib.

Baş Dövlət Yol Polisi İdarəsi sürücülərə yorğun və yuxulu halda avtomobil idarə etməmələri barədə xəbərdarlıq edib. Bildirilib ki, yuxululuq diqqətin və reaksiyanın zəifləməsinə, hətta qısa müddətli mürgüləmə isə nəqliyyat vasitəsi üzərində nəzarətin itirilməsinə səbəb ola bilər.

Sürücülərə yuxululuq hiss etdikdə hərəkəti davam etdirməmək, təhlükəsiz yerdə dayanaraq istirahət etmək tövsiyə olunur.