Xəbəri olmadan qaz sayğacı dəyişdirildi, 1500 manat borc yazıldı - ŞİKAYƏT - VİDEO

Göyçay sakini Almaz Mustafayevanın xəbəri olmadan onun qaz sayğacı dəyişdirilib və adına borc yazılıb. O bildirir ki, bununla bağlı ona yazılı və şifahi xəbərdarlıq edilməyib.

Avtosfer.az-ın məlumatına görə, sakin bildirib ki, onun qaz sayğacına cızıq düşdüyü üçün 1 500 manat cərimələnib:

"Mənim xəbərim olmadan qaz sayğacı dəyişdirilib və o, çöldə olduğu üçün ona cızıq düşüb, mən bütün günü işdə oluram, bunu kimin etdiyini bilmirəm".

Məsələ ilə bağlı "Azəriqaz" İstehsalat Birliyindən bildirilib ki, aşkar olunan dəymiş ziyanı mənzil sahibi ödəməlidir:

"İstənilən şəxs quruma müraciət edə bilər və bu, müraciət əsnasında onun şikayətinə baxılacaq".