Benzin və dizelə 2.3 milyard manata yaxın pul xərclənib

2021-ci ilin yanvar-noyabr aylarında pərakəndə ticarət şəbəkəsində istehlakçılara 2 279.5 mln. manatlıq avtomobil benzini və dizel yanacağı satılıb.

Banker.az Dövlət Statistika Komitəsinə istinadən xəbər verir ki, bu göstərici illik müqayisədə 3.8% çoxdur.

Hesabat dövründə alıcıların son istehlak məqsədilə aldıqları mallara xərclədiyi vəsaitin 6%-i avtomobil benzini və dizel yanacağının alınmasına sərf olunub.

Təkcə noyabr ayı ərzində istehlakçılar avtomobil benzini və dizel yanacağına 200.9 mln. manat xərcləyiblər.