Çin maşınlarında yeni QİYMƏT SİQNALI - Almaq istəyənlər üçün vacib xəbər!

Çin hökuməti paralel avtomobil ixracı ilə bağlı qaydaların sərtləşdiriləcəyini açıqlayıb. Yeni qərara əsasən, istehsal tarixindən 6 aydan az müddət keçən avtomobillərin ölkədən çıxarılmasına icazə verilməyəcək. Bu addım xüsusilə paralel idxal mexanizmi ilə avtomobil alan ölkələrə təsir göstərəcək.
Son dövrlərdə Azərbaycanın Çindən avtomobil idxalı kəskin artıb və gətirilən nəqliyyat vasitələrinin böyük hissəsi paralel idxal hesabına baş tutur. Bu baxımdan, Pekinin ixrac məhdudiyyəti 2026-cı ildə Azərbaycan bazarında müəyyən dəyişikliklərə səbəb ola bilər.
Mövzu ilə bağlı nəqliyyat eksperti Eldəniz Cəfərov bildirib ki, Çin hökumətinin qərarı həm idxal həcminə, həm də qiymətlərə təsir göstərəcək:
Eldəniz Cəfərov: 'Bakının mərkəzində tramvayları bərpa etmək mümkün deyil'
“Çin hökumətinin bu qərarı idxal olunan Çin avtomobillərinin qiymətində yüksəlməyə səbəb olacaq. O cümlədən də Azərbaycanda qiymət artımı qaçılmazdır. Paralel idxal çətinləşdiyi üçün həm logistika, həm də təklif baxımından məhdudiyyətlər yaranacaq. Bu da bazarda süni çatışmazlıq effekti yaradaraq qiymətləri qaldıracaq”, – deyə ekspert vurğulayıb.
Cəfərov əlavə edib ki, 2026-cı ildə xüsusilə yeni istehsal olunan modellərin ölkəyə gətirilməsi daha da çətinləşəcək, bu isə rəsmi dilerlərin rolunu artıracaq:
“Rəsmi dilerlərin satışları nisbətən artacaq, çünki paralel idxal azaldıqca alıcılar məcburən diler bazarına yönələcəklər. Amma bu da avtomobillərin qiymətlərinin ümumi fonunu artıracaq”, – ekspert qeyd edib.
Nəticə etibarilə, Çin hökumətinin yeni ixrac sərtləşdirmələri 2026-cı ildə Azərbaycanın avtomobil bazarında qiymət artımı, təklifin azalması və paralel idxalın zəifləməsi ilə müşahidə oluna bilər. ///KONKRET.az
“Toyota” yarım əsrlik modelin dizaynını dəyişmədi
Sürücülər bunu bilmir: 20 manat əlavə ödə, 10 min al
Məşhur bloqer oğurlanan superkarını internetdə gördü - Küçədə "drift" edərmiş
8 min manata “Hyundai”, 14 min manata “Prado”...
Avtomobil saxlamaq bahalaşır – Sürücülərin xərcləri artır
Azərbaycana gətirilən bahalı avtomobillərin sayı artdı - Rəqəmlər
“Mercedes” Almaniyaya investisiya qoyuluşunu dayandırır
Azərbaycanda Çinin seçilən markalarına zəmanət veriləcək
Şinlərin təzyiqi: Əksəriyyətin buraxdığı səhvlər
Bu maşınlar ucuzlaşacaq - YENİ QAYDALAR GƏLİR
Vəsiqəsiz şəxslərə avtomobil verənlərə XƏBƏRDARLIQ - VİDEO












