Toyotanın yeni 12 000 dollarlıq pikapı – Bizdə olacaqmı? - VİDEO

Toyota şirkəti Hilux Champ pikapını təqdim edib. 

Avtosfer.az xəbər verir ki, avtomobil çoxmodullu olduğu üçün yük maşını, kran, evakuator, səyyar satış məntəqəsi və sair kimi istifadə edilə bilər. 
12 000 dollara təqdim edilən avtomobil 2 və 2,7 litrlik benzin, həmçinin 2,4 litrlik Dizel mühərriki ilə təchiz edilir.

Avtomobil barədə məlumatlar yayıldıqdan sonra əksər ölkələrdə marağa səbəb olub. Lakin texnika məhdud bazar  - Asiya və Okeaniya üçün nəzərdə tutulub. Avropa ekoloji normalarına cavab vermədiyi üçün maşının bu versiyası bizim bazara çıxarılmayacaq.

PS. Aşağı ekoloji sinifli avtomobillər yanacağa tələbkar olmadığı üçün inkişaf etməmiş regionlarda özünü daha yaxşı doğruldur. Buna görə də bəzən böyük istehsalçılar konkret region üçün aşağı ekoloji sinifli maşınlar istehsal edirlər.