30 il əvvəl Laçından çıxdığı maşınla doğma yurduna qayıdan sakin: “Güllə izləri də qalır” - FOTO

“1992-ci ildə Laçından bu maşınla çıxmışdım, bu maşınla da bu gün öz doğma yurduma qayıdıram”.
Bunu oxu.az-a açıqlamasında bu gün Laçın şəhərinə köç edən olan keçmiş məcburi köçkün Şahlar Eldar oğlu Cəfərov deyib
O bildirib ki, müharibə dövründə Laçın şəhərindən çıxarkən güllə yağışına da tutulub:
“Laçın bizim hər birimizin qanayan yarasıdır. Çox ağrılı günlər yaşamışıq. Laçından gördüyünüz bu UAZ-452 markalı maşınla çıxmışıq. Yüngül ev əşyalarını götürə bildik ancaq. Mənfur düşmənlərimiz Laçından çıxanda mülki əhalini atəşə tutdu. Xoşbəxtlikdən güllələr bizə yox, maşına dəydi. İki güllə dəydi maşına. O gündən özümə söz verdim ki, bu maşını gözüm kimi qoruyacağam və bu maşınla da Laçınımıza qayıdacağam. Bu gün həmin gündür. Maşını çox çətinliklə də qoruyub saxlaya bildim. Hətta güllə izləri də qalmaqdadır. İndi öz əşyalarımızı yükləyib öz doğma yurdumuza qayıdırıq.
Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!”
Qeyd edək ki, bu gün növbəti köç karvanı Laçın şəhərinə və Zabux kəndinə yola salınıb. Bu mərhələdə daha 25 ailə (79 nəfər) öz doğma yurduna köçürülüb.
Xatırladaq ki, indiyədək Laçın şəhərinə 472 ailənin, yəni 1773 nəfərin, Zabux kəndinə isə 215 ailənin, yəni 819 nəfərin daimi məskunlaşması təmin edilib.
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO














