AYNA əməkdaşlarına hücum edən "parkovşik" məsuliyyətə cəlb edildi

İstiqlaliyyət küçəsinin (Nizami bağının ətrafında)qanunsuz olaraq parklanma yeri "işlədən" və AYNA əməkdaşlarına hücum edən şəxs barəsində məlumat vermişdik. Avtosfer.az-ın əldə etdiyi məlumata görə artıq küçənin hər iki tərəfində avtomobillərin parklanması rəsmi ödənişlə aparılır.

Bu günlərdə "mərkəzi küçələrin birində parklanma yerini zəbt edərək fərdi gəlir mənbəyinə çevirən" şəxsin məsuliyyətə cəlb edilməsi barədə yayılan rəsmi məlumat elə İstiqlaliyyət küçəsindəki hadisə ilə bağlıdır.

Qeyd edək ki, buna qədər küçənin sol tərəfində (üzü “Nizami muzeyi”nə baxdıqda) parklanma üçün ödənişlər qanunsuz şəkildə yığılır və bu yerə AYNA əməkdaşlarının nəzarət etməsinə imkan verilmirdi.

Həmin məlumatda sözügedən şəxsin ərazidə parklanma lövhələrini oğurlamaqda şübhəli bilindiyi də qeyd edilib.

Leyla