Çində elektromobillərin satışları rekord vurur

Çində noyabr ayında hər 10 avtomobil alıcısından 7-nin elektromobilə üstünlük verməsi proqnozlaşdırılır. Benzinlə işləyən avtomobillərin satışları isə azalmağa davam edir.
Avtosfer.az xəbər verir ki, bu barədə "South China Morning Post" nəşri yazıb.
Çin Sərnişin Avtomobilləri Assosiasiyasının (CPCA) proqnozuna görə, noyabr ayında ölkədə 1.15 milyon elektromobilin (tam elektrik və "plug-in" hibrid avtomobillər) satılması gözlənilir. Bu, ümumi avtomobil satışlarının 70.6 faizini təşkil edəcək.
Proqnoz özünü doğruldarsa, Çində elektromobillərin bazar payı ardıcıl səkkizinci ay rekord həddə çatacaq. Oktyabr ayında bu göstərici 67.5 faiz olub. Bununla belə, proqnoz benzinlə işləyən avtomobillərin satışlarının illik müqayisədə 46.9 faiz, elektromobillərin satışlarının isə 12.9 faiz azalacağını göstərir.
"Volkswagen" və "Toyota" kimi avtomobil markaları elektrikləşməyə daha ləng keçdikləri üçün Çin bazarında mövqelərini itirməkdə davam edirlər. CPCA-in məlumatına görə, xarici markaların ölkədəki avtomobil tədarükündə payı 2025-ci ilin üçüncü rübündəki 34.6 faizdən bu ilin eyni dövründə 30 faizdən aşağı düşüb.
İlin əvvəlində ABŞ və İsrailin İrana qarşı müharibəsi nəticəsində yaranan qlobal enerji böhranı Çin elektromobillərinin Avropa kimi xarici bazarlarda satışını artırıb.
CPCA-inməlumatına görə, Çin istehsalçıları yanvar-sentyabr aylarında ölkə daxilində və xarici bazarlarda ümumilikdə 11.58 milyon elektromobil satıblar. Bu, dünya üzrə ümumi satışların 63 faizini təşkil edib.
Dünyanın ən yaxşı avtomobilləri seçilir: Finalçılar açıqlandı
Bu ölkədə nömrənin hər hərfinə görə pul ödəniləcək
Rusiyada avtomobil satışında ciddi geriləmə - FOTO
Elektrik avtomobillərində gizli nasazlıq: Batareya problemi yaşanır
Çin avtomobilləri ilə bağlı daha bir QADAĞA
İlk avtomobili atla ötmək mümkün idi - FOTO
Bu avtomobildən cəmi 499 ədəd istehsal olunacaq - FOTO
"BMW" 720 mindən çox avtomobili geri çağırır
ABŞ-də 1955-ci ilin "Chevrolet"ni elektromobilə çevirdilər - FOTO
Avtomobil nəhəngi 32 illik əfsanəvi modelinin istehsalını DAYANDIRDI - FOTO
ABŞ ordusunda "BYD" ilə bağlı daha bir QADAĞA











