AYNA yük daşımaları üçün icazənin alınmasına dair təlimat paylaşıb - VİDEO

“Avtomobil nəqliyyatı haqqında qanun”a edilən son dəyişikliyə əsasən avtomobil nəqliyyatı ilə sərnişin və yük daşımaq üçün icazə alınmalıdır.
Avtosfer.az-ın Azərbaycan Yerüstü Nəqliyyat Agentliyinə (AYNA) istinadən xəbərinə görə, bu xidmətdən yararlanmaq üçün e-xidmet.ayna.gov.az-a daxil olaraq müvafiq xanaları doldurmaq lazımdır:
Qeyd edək ki, icazənin elektron qaydada verilməsi üçün AYNA tərəfindən elektron xidmət istifadəyə verilib.
Xidmətdən yararlanmaq üçün “e-xidmet.ayna.gov.az” portalında “Avtomobil nəqliyyatı ilə sərnişin və yük daşımaları sahəsində icazənin verilməsi üçün müraciət” elektron xidmətinə daxil olmaq lazımdır.
Elektron xidmətə ASAN Login üzərindən gücləndirilmiş imza vasitəsilə daxil olmaq mümkündür.
Sistemə daxil olduqdan sonra müraciət etmək istəyən hüquqi şəxslər və sahibkarlar ilk növbədə fəaliyyət istiqamətini seçməli və öz profillərini yaratmalıdırlar.
Sistem aidiyyəti dövlət orqanlarının informasiya sistemləri ilə inteqarsiya edildiyindən tələb olunan sənədlərdəki bir çox məlumatlar həmin sistemlərdən əldə edilir və beləliklə istənilən sənədlərin sayı minimuma endirilib.
Rüsum tələb olunan fəaliyyət istiqamətləri üzrə ödənişlərin elektron qaydada aparılması üçün sistem Hökumət Ödəniş Portalı ilə inteqrasiya edilib.
Fəaliyyət istiqamətinə uyğun olaraq müvafiq məlumatlar doldurulduqdan və sənədlər əlavə edildikdən sonra müraciət baxılması üçün elektron qaydada AYNA-ya göndərilir.
Müraciətə AYNA-da qanunvericliklə müəyyən edilmiş müddətlərdə və qaydada baxılır, çatışmazlıq aşkarlanamadığı təqdirdə “İcazə” müraciət edən şəxsin elektron kabinetinə göndərilir.
Hüquqi şəxslər və fərdi sahibkarlar icazə ilə bağlı prosesləri elektron kabinet üzərindən idarə etmək imkanına malikdirlər.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI











