Azərbaycan quru sərhədlərini açır? - Deputatdan mühüm açıqlama

Azərbaycanla quru sərhədlərin açılması qonşu ölkədən Gürcüstana gələnlərin sayının artmasına müsbət təsir göstərəcək. Bu barədə Gürcüstanın xarici işlər naziri İlya Darçiaşvili deyib. Nazirin sözlərinə görə, Azərbaycanın sərhədlərlə bağlı konkret arqumentləri var: “Bilirik ki, səbəblərdən biri koronavirus idi, təhlükəsizlik baxımından bağlanmışdı. Daha sonra təhlükəsizlik nöqteyi-nəzərindən regionda hadisələr inkişaf etdi, ona görə Azərbaycanın nə üçün belə qərar verdiyini deyə bilmərəm. Əgər bu yöndə müsbət qərar qəbul edilərsə, Azərbaycan vətəndaşlarının Gürcüstana gəlişi asanlaşacaq və biz bunu alqışlayacağıq”.
Avtosfer.az xəbər verir ki, mövzunu Yenisabah.az-a şərh edən millət vəkili Fazil Mustafa bildirib ki, sərhədlərin bağlı qalması insanlara maddi olaraq ciddi ziyan vurur:
“Hələki bu istiqamətdə aydın bir yanaşma yoxdur. Sərhədlər qismən açılmalıdır və xüsusi kateqoriya insanlar var ki, bu onların gediş-gəlişi üçün böyük problemlər yaradır. Sərhədlərin bağlı qalması maddi baxımdan insanlara ciddi zərbə vurur. Hər halda bu istiqamətdə düşünülməlidir. Çünki belə bir gedişatda bu məsələnin görməzlikdən gəlinməsi mümkün deyil”.
Deputat qeyd edib ki, yaxın gələcəkdə sərhədlərin açılması ilə bağlı addımların atılması mütləqdir.
“Xüsusən tələbələr, xəstə insanlar üçün ciddi narazılıq yaradır. Bu istiqamətdə konkret addımlar atılarsa, müsbət irəliləyişlər əldə edilə bilər. İnsanların turizm, müalicə, ticarət və başqa məsələlərin həllində sərhədlərin açılması lazımdır. Düzdü, sərhədlərin bağlı qalması ilə bağlı hökumətin müəyyən mülahizələri var, amma bunun əvvəl-axır bir sonu olmalıdır. Davam edən proseslərin fonunda sərhədlərin açılması mütləqdir”.
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO












