“Azəryolservis” xəbərdarlıq etdi - VİDEO

“Azəryolservis” Açıq Səhmdar Cəmiyyəti yollardakı yeraltı kammunikasiya xətlərində aparılan təmir tikinti işlərinin dayandırılması ilə bağlı qərar qəbul edilib.

ANS-in məlumatına görə, qurum kommunikasiya xətlərinin çəkilişi və təmiri ilə məşğul olan dövlət təşkilatlarına müraciət edib. “Azəryolservis” ASC-nin mətbuat xidmətinin rəhbəri Anar Nəcəfli deyir ki, I Avropa Oyunlarına təyin olunmuş marşurut xətti üzrə yol şəbəkəsinin yaxşılaşdırılması istiqamətində kompleks tədbirlər həyata keçirlir. O aidiyyatı qrumlardan xahiş etdi ki, yollarda aparılan abadlaşdırma işlərini I Avropa Oyunlarından sonraya saxlasınlar. Hazırda təmir-tikinti işləri aparılan ərazilərdə işlər dayandırılmayacaq. Amma mayın 15-dən başlayaraq yollarda planlı şəkildə həyata keçirilməsi nəzərdə tutulan, asfalt-beton örtüyü qazılaraq yeraltı kommunikasiya xətlərinin çəkilişi və təmiri işlərinə icazə verməyəcək. Bu qərar Avropa Oyunları başa çatana qədər qüvvədə olacaq.