Bakıda film kimi hadisə

Mayın 1-də saat 11 radələrində Z.Bünyadov prospektində naməlum şəxs taksi fəaliyyəti ilə məşğul olan Bakı şəhər sakini Şövkət Cəfərovun idarə etdiyi ”KİA” markalı avtomobilə əyləşərək Albalılıq massivinə gedib, orada Cəfərovun boğazına dəmir tros ataraq boğmağa başlayıb. Bakı Şəhər BPİ-dən Avtosfer.az-a  verilən məlumata görə, daha sonra onu bıçaqla hədələyərək avtomobildən düşürüb və avtomobili qaçırıb. Saat 12:10 radələrində avtomobili H.Əliyev prospektində maneyə vuraraq hadisə yerindən uzaqlaşıb. Bakı şəhər BPİ, Xəzər RPİ Cinayət Axtarış Şöbəsi  və 2-ci PB əməkdaşlarının birgə keçirdikləri əməliyyat-axtarış tədbirləri nəticəsində, quldurluqda şübhəli bilinən Bakı şəhər sakini, 1985-ci il təvəllüdlü Rüfət Əhliman oğlu Rəhimov tutulub.

Emin