Bakıda küçədə qəribə hərəkətlər edən azyaşlının görüntüləri yayıldı - VİDEO

Sosial şəbəkələrdə Bakı küçələrinin birində yol kənarında halsız vəziyyətdə olan məktəblinin görüntüləri yayılıb.

Avtosfer.az xəbər verir ki, görüntülərdə azyaşlı oğlanın qəribə hərəkətlər etdiyi əks olunub.

Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu qeyd edib ki, sosial şəbəkələrdə görüntüləri yayılan yeniyetmənin adı Ruslandır:

“Ruslan komitə tərəfindən iki dəfə müalicə müəssisəsinə yerləşdirilib. Müalicə dövrü bitdikdən sonra ailəsinə təhvil verilib. Görünür, müəssisədən çıxandan sonra yenidən narkotik istifadəsinə davam edir. Hazırda polis Ruslanın yerinin müəyyən edilməsi istiqamətində iş aparır. Əvvəllər bəlli bir yerdə – Nizami metrosu ətrafında olurdu. İndi isə yerini dəyişdiyi görünür. Polis onu tapan kimi yenidən müalicə müəssisəsinə yerləşdirməyə cəhd edəcəyik”.