Bakıda pulsuz avtobuslar olacaq - VİDEO

"Avropa oyunları zamanı paytaxt Bakının ictimai nəqliyyatının fəaliyyətini və qonaqların sərbəst gediş-gəlişini təmin etmək üçün “Sərt parkinq yoxdur”, “Park et və get” prsinsipləri olacaq". 

Avtosfer.az anspress-ə istinadən məlumat verir ki, bunu bu gün yayımlanan "Günə Baxan"ın qonağı olan Nəqliyyat Nazirliyinin mətbuat katibi Namiq Həsənov deyib. 

Nazirlik rəsmisi I Avropa Oyunları üçün zolaqlanmış sahələrdən danışıb. O qeyd etdi ki, əsas magistral Ziya Bünyadov və Heydər Əliyev prospekti sayılır. 

“Bir neçə zolaqlı yolların bir zolağı Avropa Oyunları üçün ayrılıb. Həmin yollarda soldan və sağdan 15 sm enində sarı xəttlər çəkilib, orta isə maşınların gediş-gəlişi üçün boş saxlanılıb. 250 metrdən bir I Avropa Oyunlarının loqoları yapışdırılıb. Bu isə o deməkdir ki, bu zolaqlardan ancaq I Avropa Oyunlarına xidmət göstərən nəqliyyat vasitələri, FHN və Təcili Tibbi Yardım maşını da istifadə edə bilər. Başqa avtomobillərin bu yolda hərəkətinə icazə verilmir. Bunun üçün onları sərt cəza gözləyir. İctimai nəqliyyata bu zolaqlara keçməsinə iyunun 1-dən 31-nə kimi qadağa qoyulacaq”.

Onun sözlərinə görə, sakinlər öz avtomobillərini xüsusi təyin olunmuş yerlərdə münasib qiymətə park edə, yarış meydançasına təşkil olunmuş pulsuz “ekspress”marşurutla gedə və geri qayıda bilərlər. Metrostansiyaların yanında da fərdi avtomobillərin dayanması qadağan ediləcək. Oyunlar zamanı metrostansiyaların yanında üzərində “Ex 1”, “Ex 2” maşurutları olacaq. Bu marşurutlar oyunlar keçirilən arenaya gedəcək. Sakinlər bu maşurutlarda yerləşən elektron tablolar vasitəsilə gedəcəyi istiqaməti təyin edə bilərlər. 

Xatırladaq ki, I Avropa Oyunları iyun ayının 12-dən 28-dək olacaq.