Bir həftədə 2825 piyada cərimələnib

Bakı şəhərində son bir həftə ərzində yol hərəkəti qaydalarını pozduğuna, yeraltı və yerüstü piyada keçidlərindən istifadə etmədiyinə görə 2825 piyada inzibati məsuliyyətə cəlb edilib. Avtosfer.az xəbər verir ki, bu barədə Bakı Şəhər Dövlət Yol Polisi İdarəsinin (BŞDYPİ) İctimaiyyətlə əlaqələr şöbəsinin rəisi, polis polkovniki Vaqif Əsədov məlumat verib.

Qayda pozan piyadalar İnzibati Xətalar Məcəlləsində nəzərdə tutulan məbləğdə (20 manat) cərimə ediliblər. Həmçinin ötən həftə Bakı Şəhəri üzrə Baş Dövlət Yol Polisi İdarəsi tərəfindən quraşdırılan Mərkəzi Məlumat Xidmətinin (MMX) radar və kameraları vasitəsi ilə avtomatik olaraq 4 277 sürücü barəsində müxtəlif yol hərəkəti qaydalarını pozduqlarına görə inzibati protokol tərtib olunub. Həmin sürücülər barəsində tərtib olunan inzibati protokollar poçt vasitəsi ilə yol hərəkərti qaydalarını pozan şəxslərin qeydiyyatda olduğu ünvanlara göndərilib.