Bu avtomobillər dayanma-durma qaydalarını pozmaqda davam edir - FOTO

Eyni avtomobillər eyni yerdə saxlamaqla qayda pozuntusundan əl çəkmədi.
Avtosfer.az xəbər verir ki, hadisə yenə eyni ərazidə, yəni Biləcəri qəsəbəsinin Əhməd Qasımov küçəsində qeydə alınıb. Dünən təqdim etdiyimiz dayanma-durma qaydasını pozan hər iki nəqliyyat vasitəsi yenə piyada səkisində maşınlarını parklamaqda davam ediblər. Belə ki, dövlət nömrə nişansız “Niva” markalı avtomobil və “Mercedes Benz Vito” markalı, “77-XN-012” dövlət nömrə nişanlı minik vasitələri piyadalar üçün nəzərdə tutulan səkini tamamilə zəbt etməkdən əl çəkməyiblər. Yenə də sükan arxasında olmayan sürücülər görünür bu ərazini həqiqətən özlərinin daimi parkinq məkanına çeviriblər. Şəkildən də bəlli olduğu kimi tam olaraq park edilən avtomobillər bu hissədən keçərkən piyadaların məcbur qalaraq maşın yolu ilə getmələrinə səbəb olub. Hələ də, etdikləri əməli anlamaq istəməyən sürücülərə bildirək ki, davamlı baş vurduqları dayanma-durma pozuntusu qanuna ziddir və İnzibati Xətalar Məcəlləsinin 346-cı maddəsinə görə 20 manat cərimə ilə nəticələnir. 

Nərmin Əkbər