Bu ərazidə sürücülər yolun hər iki tərəfini davamlı zəbt edir - VİDEO

Paytaxtın Məhəmməd Hüseyn Şəhriyar və Zahid Xəlilov küçələrinin kəsişməsində qayda pozan sürücülər kameraya düşüb. 
Avtosfer.az-ın məlumatına görə, xoşagəlməz mənzərə noyabrın 20-də saat 21:12 radələrində qeydə alınıb. Videodan göründüyü kimi, sürücülər dayanma-durma qaydalarını kütləvi şəkildə pozublar.
Belə ki, onlar avtomobillərini obyektlərin önündə saxlayaraq əks istiqamətli yolun hər iki tərəfini parking zonasına çeviriblər. Nəticədə daha da ensizləşən yolda sıxlıq yaranıb və nəqliyyat vasitələrinin hərəkəti çətinləşib. 

Nərmin