Dar səkidə parklanmış avtomobil piyadaların hərəkətini iflic etdi - FOTO

Avtomobilini dar səkidə park edərək piyadaların həyatı ilə oynadı.
Avtosfer.az xəbər verir ki, dayanma-durma qaydasına zidd olan olay Biləcəri qəsəbəsinin Əhməd Qasımov küçəsində baş verib. Çəkilən fotoşəkildən aydın olduğu kimi piyadalar hərəkəti üçün nəzərdə tutulan səki avtomobil tərəfindən tamamilə məşğul edilərək, onların yoldan keçərkən çətin anlar yaşamalarına gətirib çıxarıb. Belə ki, “Kia” markalı, 77-GF-827 dövlət nömrə nişanlı avtomobilin sürücüsü maşınını dar səkidə parklayaraq harasa gedib. Səkinin birbaşa maşın yoluna baxması və ensizliyi piyadaların həyatı üçün ikiqat təhlükə deməkdir. Görünür, avtomobilini həmin hissədə saxlayan şəxs üçün digərlərinin həyatının təhlükədə olması vacib deyil, əsas öz rahatlığıdır. Yenə də sürücüyə xatırladaq ki, etdiyi davranış İnzibati Xətalar Məcəlləsinin 346-cı maddəsinə görə yanlışdır və 20 manat cərimə ilə etdiyi əməlin cəriməsini ödəməlidir. 

Nərmin Əkbər