Eyni anda “dayanma-durma” qaydasını pozan avtomobillər - FOTO

Saatlarla avtomobillərini piyadalar üçün ayrılmış hissədə park etdilər, onları təhlükə ilə üz-üzə qoydular.
Avtosfer.az xəbər verir ki, xoşagəlməz mənzərə Binəqədi rayonun Biləcəri qəsəbəsində qeydə alınıb. Saytımızın əməkdaşı tərəfindən çəkilən şəkildən bəlli olduğu kimi piyada yolunu tamamilə zəbt edən iki avtomobil insanların hərəkətinə mane yaradıb. Sükanda olmayan “Toyota” markalı, 90-ME-886 və 99-MK-998 dövlət nömrə nişanlı avtomobillərin sahibləri bir-birindən geri qalmayaraq dayanma-durma  qaydalarını pozublar. Yoldan istifadə edən insanlar üçün çətinlik yaradaraq, onların maşınlar keçən tərəflə getmələrinə səbəb olublar. Onların “nümunəvi” davranışına baxaraq avtomobilini park edib bir müddət həmən ərazidə saxlayan ağ rəngli, “Toyota” markalı, 99-BY-059 dövlət nömrə nişanlı maşının sürücüsü də kameradan yan keçməyib. Dəfələrlə xatırlatmağımıza baxmayaraq yenə də əməllərindən əl çəkməyən sürücülər üçün bir daha bildirək ki, mövcud qayda pozuntusu İnzibati Xətalar Məcəlləsinin 346-cı maddəsinə ziddir və 20 manat cərimə ilə nəticələnir. 

Nərmin Əkbər