Gömrük limiti 300-dən 150 dollara endirilir? - RƏSMİ AÇIQLAMA

Son günlərdə isə sosial şəbəkələrdə bu limitin 300-dən 150 dollara endiriləcəyi ilə bağlı iddialar səsləndirilməyə başlayıb. 

Avtosfer.az xəbər verir kii, Dövlət Gömrük Komitəsi yayılan iddialarla bağlı açıqlama yayıb.

Açıqlamada qeyd olunur ki, son günlər sosial şəbəkələrdə və bəzi kütləvi informasiya vasitələrində vətəndaşlar tərəfindən şəxsi istifadə üçün beynəlxalq poçt göndərişləri və ya daşıyıcı şirkət vasitəsilə ölkəyə xaricdən gətirilən mallara görə qanunvericilikdə müəyyən olunan limitin 300 ABŞ dollarından 150 ABŞ dollarına endiriləcəyi ilə bağlı müzakirələr aparılır.
"Səsləndirilən iddiaların heç bir əsası yoxdur, vətəndaşlar tərəfindən şəxsi istifadə məqsədilə, yəni istehsal, yaxud kommersiya məqsədləri üçün nəzərdə tutulmayan malların ölkəyə gətirilməsi qaydalarında hər hansı dəyişiklik müzakirə mövzusu deyil".