“Hər gün turistlərin keçdiyi yolda zibillər dolub-daşır” - VİDEO

“Abşeron rayonunun Məmmədli kəndi ərazisində zibil qutuları vaxtlı-vaxtında yığışdırılmır. Xüsusən mərkəzi yolun kənarında günün istənilən saatı dolub-daşan zibil yeşiklərini görmək olar. Hər gün kənd ərazisində yerləşən “Yanardağ” Dövlət Tarix-Mədəniyyət və Təbiət Qoruğuna gedən əcnəbi turistlərin də bu yoldan keçdiyini nəzərə alsaq, bunun necə mənzərə yaratdığını təsəvvür etmək çətin deyil”.
Avtosfer.az xəbər verir ki, bu şikayətlə “Qafqazinfo”ya Məmmədli sakini Nicat Tarverdiyev müraciət edib.
O bildirib ki, turistlərdə neqativ təəssürat yaradan bu hal həm də antisanitariya baxımından narahatlığa səbəb olur. Daşan zibil yeşiklərinin yaxınlığında sahibsiz itlər toplaşır, yerə tökülmüş tullantıları ətrafa yayırlar.
Problemlə əlaqədar Abşeron Rayon İcra Hakimiyyətinə müraciət etdik. Qurumdan sorğumuza cavab olaraq bildirildi ki, Məmmədli kəndində məişət tullantıları əvvəlcədən müəyyən edilmiş cədvələ uğun vaxtlı-vaxtında ərazidən daşınır: “Hazırda Məmmədli kəndinin əsas küçəsində cari təmir işləri həyata keçirilir. Kənddə məişət tullantıları vaxtlı-vaxtında, yəni cədvələ uyğun şəkildə daşınır. Bayram günlərində bir neçə saatlıq yubanma olub, amma ümumən belə bir problem yoxdur. Hazırda kəndin küçələri tamamilə təmizdir. Həmçinin vətəndaşlara çağırış edirik ki, məişət tullantılarını yol kənarında qoyulmuş konteynerlərə atsınlar, kənar yerlərə tullamasınlar”.







Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO












