İsmayıllı-Lahıc yolunda körpü çöküb - VİDEO

İsmayıllı rayonu Gəndov kəndində körpü çöküb. Bununla bağlı görüntü sosial şəbəkələrdə paylaşılıb. Paylaşımda iddia edilir ki, söhbət İsmayıllı-Lahıc yolunun Girdiman çayı üzərindən keçən körpüdən gedir. Sözügedən ərazidə sonuncu sel daşqınlarından sonra körpünün müəyyən hissələrində çökmələr müşahidə edilib. Çökən ərazinin günbəgün genişlənməsi əhalinin narahatlığına səbəb olur. Yolun bu hissəsi bir neçə aydır bağlı olsa da, çöküntü davam edərsə, bir neçə gün sonra körpü tamamilə dağıla bilər. Məsələ ilə bağlı İsmayıllı Rayon İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri Namiq Kərimov ilə əlaqə saxladıq.
Avtosfer.az xəbər verir ki, bu barədə Namiq Kərimov Oxu.az-a açıqlamasında sözügedən yolda çökmüş hissənin genişlənməsinin bir neçə gündür müşahidə edildiyini bildirib: “Əvvəldən sözügedən körpüdə sel daşqınları səbəbindən müəyyən çökmələr müşahidə edilirdi. Sadəcə təəssüf ki, çökən hissənin əhatəsi bir az daha genişlənib. Bu problem İsmayıllıda sonuncu sel daşqınlarından sonra qeydə alınıb, körpünün altında boşalmalar olub. Lakin çökən hissə son iki-üç gün ərzində çox genişlənib. Bununla bağlı rayon üzrə yol istismar idarəsinə, eləcə də Azərbaycan Avtomobil Yolları Dövlət Agentliyinə məlumat verilib. Həmin çökən hissə lent ilə bağlanıb, ərazidə tədbir görülür”.
Mövzu ilə əlaqədar Azərbaycan Avtomobil Yolları Dövlət Agentliyinə də sorğu ünvanlanıb.
Xatırladaq ki, İsmayıllıda sonun sel daşqınları ötən il iyul-avqust aylarına təsadüf edib və çoxsaylı fəsadlar yaradıb.
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO












