İyunda şəhərin mərkəzində avtomobil sürmək pullu olacaq

ABŞ-ın Nyu-York əyalətinin səlahiyyətliləri avtomobil sıxlığını azaltmaq və ictimai nəqliyyata sərmayə yatırmaq üçün plan təsdiqləyib. Avtosfer.az yerli KİV-ə istinadən xəbər verir ki, iyun ayından etibarən sürücülər Manhetten şəhərinin mərkəzində hərəkət etmək üçün müəyyən rüsum ödəməli olacaqlar.  
Belə ki, şəhərin 60-cı küçəsinədək uzanan zonada minik avtomobilini sürmək üçün gündə 15 dollar rüsum ödənilməlidir. Tam ödəniş gün ərzində səhər saat 05:00-dan axşam saat 21:00-dək, həftə sonları isə səhər saat 09:00-dan sonra həyata keçiriləcək. Gecə saatlarında rüsumun 75% aşağı olacaq. 
Kiçik yük maşınları üçün ödəniş 24 dollar, motosikletlər üçün isə 7,50 dollar olacaq. Eyni zamanda, həmin əraziyə taksi sürmək üçün 1,25 dollar əlavə ödəniş tələb ediləcək.

Namiq Musayev