Məktəblərin qabağındakı itlərlə bağlı açıqlama - Video

“Məktəbdən övladını gətirən analara azyaşlı uşaqları ilə birgə elə bu ərazidə itlər dəfələrlə hücum edib. Gec saatda dərsdən çıxıb gələn uşaqlarımıza görə çox narahatıq”.
Bu şikayətlə “Qafqazinfo”ya Sumqayıt şəhər 17 və 18-ci mikrorayonların bir qrup sakini müraciət edib.
Sakinlərin sözlərinə görə, 4 və 39 nömrəli məktəblərin önü sahibsiz itlərlə doludur: “Bu ərazidə yerləşən 5 mərtəbəli binaların arxa tərəfində itlər lap sürü ilə gəzirlər. Bir həftə bundan öncə valideynlərdən biri məktəbdən uşağını götürüb qayıdanda 7 it üstlərinə cumub. Qonşular güclə itləri qova biliblər. Bu hal birinci dəfə deyil ki, yaşanır. Demək olar ki, hər gün bu vəziyyətdir. Bunun qorxusu elə bəs edir. Dəfələrlə şikayət etsək də, baxılmır, heç bir tədbir görülmür”.
Məsələ ilə bağlı Sumqayıt Şəhər İcra Hakimiyyətinə sorğu ünvanladıq. Qurumdan müraciətimizə belə cavab verildi: “Məlumat üçün bildirək ki, Sumqayıt şəhərində sakinlərin təhlükəsizliyinin təmin edilməsi məqsədilə davamlı olaraq sahibsiz itlərin götürülməsi və sığınacaqlara yerləşdirilməsi işləri həyata keçirilir. Eyni zamanda sahibsiz itlərin peyvəndlənməsi işləri aparılır. Sumqayıt Şəhər İcra Hakimiyyəti tərəfindən aidiyyəti qurumlara tədbirlərin daha da gücləndirilməsi üçün tapşırıq verilib”.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












