Metroda qatar sərnişini sürüdü

Dünən bir sərnişin metronun qapıları arasında qalıb. Nəticədə qatar sərnişini bir müddət tunel boyu sürüyüb. Avtosfer.az-ın anspress-ə istinadən məlumatına görə, hadisə Rusiyada baş verib. Xoşbəxtlikdən 53 yaşlı sərnişin sağ qalıb. Lakin beyin silkələnməsi və cüzi zədələr alan şəxs xəstəxanaya aparılıb. Həkimlər onun həyatı üçün təhlükənin olmadığını bildiriblər. Rusiya yeraltı nəqliyyatı mətbuat xidmətindən isə bildirilib ki, günahkar sərnişinin özüdür. "O, qapılar örtülən zaman təhlükəsizlik qaydalarını pozaraq qatara daxil olmağa çalışıb. Lakin qəflətən qapılar bağlanıb və qatar sərnişini bir müddət sürüyüb. Maşinist onu görən kimi qatarı dayandırıb və həmin adam xəstəxanaya aparılıb", - deyə mətbuat xidmətindən bildirilib.