Nərimanov rayonu ərazisində qanunsuz parklanma yerləri fəaliyyət göstərir - VİDEO
Bakıda artq bəzi ərazilərdə parklanma qanuni qaydada tətbiq edilir. Ancaq xüsusilə Nərimanov rayonu ərazisində, Əhməd Rəcəbli küçəsinin ətrafındakı yollarda sözün əsl mənasinda xaos hökm sürür. Sarı jiletlilər hələ də burada fəaliyyət göstərirlər. Onlar qanunsuz parklama təşkil edərək sürücülərdən pul tələb edirlər.
4-6 zolaqlı yol olan küçələrdə hərəkət üçün sadəcə iki zolaq saxlanılır.
Hətta bəzi yerlərdə avtomobillər iki sıra park edilir. Bu isə həmin yollardan istifadə edən həm piyadalar, həm də bəzi sürücülər üçün çətinlik yaradır.
Bu ərazilərdə "azparkinq" sistemi tətbiq edilir. Bu da o deməkdir ki, burada tələb olunan nağd pul qanunsuzdur. Çünkü həmin sistem yalnız onlayn ödəmə üsulu ilə çalışır.
Bənzər mənzərə rayon ərazisində Albert Aqarunovun heykəlinin olduğu küçədə və ona yaxın olan ərazilərdə də hökm sürür. Ərazilərə nəzarət edən şəxslərin əksəriyyəti müsahibə verməsə də, bəziləri qısa da olsa mikrofona danışdılar. Hətta aldıqları qanunsuz ödənişlərdən plan verdiklərini deyənlər də oldu.
Məsələ ilə bağlı Yerüstü Nəqliyyat Agentliyinin mətbuat katibi Tural Orucov bildirdi ki, "azparkinq" infrastrukturu qurulmayan ərazilərdə parklanmaya görə tələb edilən ödəniş qanunsuzdur.
Qeyd edək ki, “azparkinq” tətbiq edilən ərazilərdə ilk 15 dəqiqə ödənişsizdir. Həmçinin nəqliyyat vasitələrinin parklanması üçün saat 22:00-dan səhər 07:00-ə qədər, eləcə də həftənin bazar günləri ödəniş tələb olunmur.
Mövzu ilə bağlı daha ətraflı videomaterialı təqdim edirik:
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












