Ödənişli yolda sürücülərdən artıq pul alınır? - AÇIQLAMA - VİDEO

Yeni istifadəyə verilən Bakı-Quba yolunun ödənişli hissəsindən istifadə edən sürücü getdiyi məsafə üçün nəzərdə tutulandan artıq ödəniş tələb edilməsindən şikayətçidir.
Bu barədə videogörüntülər sosial şəbəkələrdə paylaşılıb. Sürücü nəqliyyat vasitəsini nəzarətçi olan pəncərənin önündə saxlayaraq nə üçün ondan 9,50 qəpik əvəzinə 10 manat alındığının səbəbini soruşur:
“Yol 9 manat 50 qəpikdir. 10 manat vermişəm ki, ödənişi çıxsın. Mənə deyir ki, 50 qəpik yoxdur. Sonra da deyir ki, terminal qəpik götürmür, biz xırda pul götürmürük. Daha sonra 10 manat 50 qəpik verdim ki, bir manat geri qaytar. Yenə deyir ki, xırdamız yoxdur. Bəlkə mənim kartım yoxdur, nağd ödəniş edənləri niyə nəzərə almırsınız?”
Məsələ ilə bağlı oxu.az-a münasibət bildirən Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəflinin sözlərinə görə, sosial şəbəkələrdə paylaşılan sözügedən video qurum tərəfindən araşdırılacaq:
“Yaxşı olardı ki, sürücü agentliyə müraciət edərdi. Çünki videodan hadisənin nə zaman qeydə alındığı bilinmir. İstənilən halda məsələ araşdırılacaq və bu cür neqativ halların təkrarlanmaması üçün tədbir görüləcək”.
A.Nəcəfli onu da qeyd edib ki, yaxın zamanda xüsusi çipli kartlar istifadəyə verildikdə, ümumiyyətlə, sürücü ilə əməkdaşların ünsiyyəti minimuma enəcək:
“Çünki öncədən əldə edilən kartlara sürücülər tərəfindən balans yüklənəcək və onların qət etdiyi kilometraja uyğun vəsait hesabdan çıxacaq”.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI











