Paytaxtın bu küçəsində “iynə atsan yerə düşməz” - FOTO

Bir müddət əvvəl paytaxtın Fəxrəddin Musayev küçəsində olan xaos barəsində xəbər vermişdik.Təəssüflə qeyd edək ki, problem hələ də öz həllini tapmayıb. Bu barədə Avtosfer.az saytına vətəndaşlar tərəfindən şikayətlər daxil olur. Söhbət yolda qanunsuz fəaliyyət göstərən "parkinqlərdən" və ərazini zəbt edən avtomobil sürücülərindən gedir.

Birinci foto bir ay əvvəl, ikincisi dünən çəkilib. Görüntülərə nəzər salsaq ciddi bir dəyişiklik dyoxdur. Əraziyə aidiyəti orqanlar tərəfindən baxış keçirilib və bir hissədə xətlənmə işləri aparılıb. Lakin ərazidə nəzarət olmadığından bu xətlərin tələbinə heç fikir verən də yoxdur.Xətlənmənin aparılmadığı hissədə isə əvvəlki xaos hökm sürür.

Qeyd edək ki, vətəndaşlar aidiəti qurumlardan ərazidə rahat hərəkətin təmin edilməsini, əraziyə nəzarətin artırılmasını və xətlənmiş ərazilərin genişləndirilməsini xahiş edirlər.

Nurlan