"Porsche" yol polisini belə təhqir etdi - Bakıda – VİDEO

Bakıda bahalı maşınların yol polisini saymadan qayda pozduqlarının dəfələrlə şahidi olmuşuq. Əksər hallarda kasıb balası olan yol polisi serjantları varlı, pullu, vəzifəli və daydaylı "Porsche" sürücülərinə bata bilmir. Belə hallardan biri də bu gün səhər Bakının Səbail rayonunda qeydə alınıb. 

Avtosfer.az milli.az-a istinadən xəbər verir ki, ağ rəngli "Porsche Panamera" markalı avtomobil yol polisini saymadan yolun əks istiqamətinə keçərək hərəkət edib. Hətta başqa avtomobillərin yoluna çıxdığı üçün qəza şəraiti də yaradıb. Yanındakı yol polisi avtomobili bu hadisəyə yalnız şahidlik edib.