Pulunuzu başqasına VERMƏMƏK ÜÇÜN: Bunları edin

Kiberdələduzluq nəticəsində 13000-ə yaxın vətəndaşın oğurlanmış kart məlumatları aşkarlanıb. Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti (ETX) tərəfindən istifadəçilərə qarşı elektron təhlükələrin qarşısının alınması və baş vermiş kiberhücumların araşdırılması istiqamətində mütəmadi olaraq tədbirlər həyata keçirilir. Qurum baş vermiş kiberhücumların mənbələrinin müəyyən edilməsi istiqamətində yerli və xarici şirkətlərlə əməkdaşlıq edir. ETX Azərbaycan Kibertəhlükəsizlik Mərkəzinin məzunlarının da üzv olduğu yerli kibertəhlükəsizlik startapı olan “Cypho” ilə birlikdə sosial şəbəkələrdə ölkənin nüfuzlu banklarının və maliyyə təşkilatlarının adından vətəndaşlara saxta lotereya, uduş vədləri verərək onların bank və şəxsi məlumatlarının ələ keçirilməsi ilə nəticələnən kiberdələduzluq hallarını araşdırıb. Araşdırma nəticəsində son iki ay ərzində kiberdələduzlar tərəfindən ələ keçirilən 13000-ə yaxın vətəndaşa məxsus müxtəlif bankların kart məlumatlarının bazası aşkar edilib. Əldə olunmuş məlumatlar zərərçəkmiş vətəndaşların məlumatlandırılması məqsədilə aidiyyəti üzrə təqdim olunacaq.
Maraqlıdır, görəsən, kiperdələduzluğun qarşısını necə almaq olar?
Sözügedən məsələ ilə bağlı İT mütəxəssisi Elvin Abbasov bildirib ki, kiperdələduzluq halları daha öncə də baş verib:
“Vətəndaşlara qarşı edilən kiberdələduzluq hüçumları tez -tez baş verir. Vətəndaşlar gərək diqqətli olsunlar. Kiberdələduzlar daha çox vətəndaşlara cəlbedici təkliflər irəli sürərək onların etibarından sui- istifadə edərək aldadırlar. Daha çox bank məlumatlarını ələ keçirtmək istəyirlər”.
O təklif edib ki, vətəndaşlar öz şəxsi məlumatlarını, bank hesabları daxil etmədən öncə həmin saytda araşdırma etsinlər:
“Tam əmin olduqdan sonra şəxsi məlumatları daxil edə bilərlər. Lakin yenə burada çox diqqətli olmaq lazımdır.
Dövlət nə qədər təhlükəsizliyi təmin etməyə çalışsa da, əsas ağırlıq vətəndaşın üzərindədir”. (“Cebhe.info”)
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












