Qubalı pəhləvanrlar avtomobillərlə inanılmaz şou göstərdilər – VİDEO

Qubalı pəhləvan qardaşlar  Dünya Rekordlar Kitabına öz adlarını yazdırıblar. Bu haqda pəhləvanların media sözçüsü Mənsur Xaspoladov məlumat verib. Onun dediyinə görə, Qubalı pəhləvanlar Hüseyn Pəhləvanoğlu və Laçın Pəhləvanoğlu  Ukraynada göstərdikləri inanılmaz nömrələrlə Dünya Rekordlar Kitabına öz adlarını yazdırıblar. "Kitaba hər qardaşın adına 4 nömrə yazılıb və bu da yetərincə möhtəşəm uğurdur. Hüseyn boğazının üstünə kəsici alət sayılan beli qoyaraq  üstünə 67 kq çəkidə olan adam mindirib. Bundan başqa, boğaz boşluğuna qarmaq keçirərək, 33 kq yükü qaldırıb. Həmin vaxt Hüseynin hər əlində 24 kq yük olub. Bundan başqa, boğaz boşluğuna qarmaq keçirərək, 1 tonluq maşını 10 metr dartıb. Eyni zamanda 3 ton 400 kq olan avtomobil heç bir qoruyucu olmadan Hüseynin ayaqları üstündən keçib.

Laçın isə göz qapağı ilə 33 kq və hər əlində 16 kq olan yükü qaldırıb. Bundan başqa, 1 ton 600 kq avtomobili 10 metr dartıb. Həmçinin, kəsici-deşici alət olan nizəni boğaz boşluğuna qoyaraq 1 tonluq maşını itələyərək, işlək vəziyyətə gətirib. Heç bir qoruyucu olmadan qolunun üzərindən 2 tonluq maşın keçirdib». Pəhlivanların tryukları Ukrayna TV-lərində də göstərilib.

Elmin