![Sürücülərin döngə xəstəliyi: Heç kim bu qaydaya əməl etmir - VİDEO](/upload/news/small/2430963.jpg)
SABAHIN HAVA PROQNOZU
![SABAHIN HAVA PROQNOZU](/upload/news/0a3614.jpg)
Yaxın iki gün ərzində Bakıda hava şəraitində mühüm dəyişiklik gözlənilməsə də, Azərbaycanın dağlıq və dağətəyi rayonlarında qısamüddətli yağış yağacaq, şimşək çaxacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən Avtosfer.az-a verilən məlumata görə, mayın 2-də Bakıda və Abşeron yarımadasında hava dəyişkən buludlu, əsasən yağmursuz olacaq. Şimal küləyi əsəcək.
Havanın temperaturunun gecə 8-13, gündüz 19-24 dərəcə isti olacağı gözlənilir.
Azərbaycanın rayonlarında hava əsasən yağmursuz olacaq. Lakin axşama doğru bəzi dağlıq və dağətəyi rayonlarda şimşək çaxacaq, qısamüddətli yağış yağacaq. Qərb küləyi əsəcək.
Havanın temperaturunun gecə 11-16, gündüz 23-28, dağlıq ərazilərdə gecə 6-11, gündüz 14-19 dərəcə isti olacağı gözlənilir.