Sürücülərin diqqətinə! – Bu yollar BAĞLI OLACAQ - VİDEO

Oyunların açılışı günü Heydər Əliyev prospektinə nəqliyyat vasitələri buraxılmayacaq. Avtosfer.az anstv-yə istinadən xəbər verir ki, bunu “Bakı 2015” Avropa Oyunları Əməliyyat Komitəsinin Nəqliyyat Departamenti məsələyə aydınlıq gətirmək üçün bu gün tərəfdaş qurumları bir araya toplayarkən deyib.

Bakıda keçiriləcək İlk Avropa Oyunları ərəfəsində paytaxtda avtomobil yollarında minik vasitələrinin necə tənzimlənəcəyi artıq bəllidir. 

Əməliyyat Komitəsinin Nəqliyyat Departamentinin əməkdaşı Vüsal Rəcəbli deyir ki, iyunun 12-də axşam saat 16:00-dan gecə 02:00-a kimi bu prospekt yarım günlük bağlanacaq. Amma heç bir mərkəzi yolun və prospektin tamamilə bağlanması nəzərdə tutulmur. Sadəcə Ziya Bünyadov, Nobel və Babək prospektlərində maşınların hərəkətinə yarım günlük məhdudiyyət qoyulacaq ki, əhali açılış mərasiminə rahat gəlib-gedə bilsin.