TƏBİB-dən çağırışa gecikən təcili tibbi yardım həkiminin vətəndaşı təhqir etməsi iddiasına CAVAB

Tibbi Ərazi Bölmələrini İdarəetmə Birliyi (TƏBİB) Bakı şəhər sakini Ülvi Quliyevin təcili tibbi yardım briqadasının çağırışa gec gəlməsinə dair şikayəti barədə açıqlama verib.
TƏBİB-dən oxu.az-ın sorğusuna cavab olaraq bildirilib ki, vətəndaş tərəfindən Respublika Təcili və Təxirəsalınmaz Tibbi Yardım Mərkəzinə martın 9-u, saat 16:29-da arterial təzyiq səbəbi ilə çağırış daxil olub:
“Müraciət təxirəsalınmaz hal olduğu üçün gözləməyə alınaraq saat 17:05-də icraya verilib. Ünvana gedən təcili tibbi yardım həkimi vətəndaşa ilkin tibbi yardım göstərməyə çalışsa da, buna xəstə tərəfindən maneələr yaradılıb.
Eyni zamanda, xəstənin qeyri-adekvat hərəkətləri müşahidə olunub. Xəstə məlumatların qeydə alınması üçün şəxsiyyət vəsiqəsini təqdim etməkdən imtina edib. Qeyd edək ki, şəxsiyyət vəsiqəsindəki məlumatların qeydə alınması vətəndaşa təqdim olunacaq xəbərdarlıq vərəqəsi üçün vacibdir.
Təcili tibbi yardım həkimi xəstənin arterial təzyiqini dəqiq müəyyən etmək üçün ona bir qədər sakit dayanmasını tövsiyə etsə də, o buna əməl etməyib. Müayinə nəticəsində xəstənin yuxarı təzyiqinin 150 mm civə sütunu olduğu müəyyənləşib. Daha sonra xəstə digər tibbi yardımların göstərilməsindən imtina edib”.
Qeyd edilib ki, təcili tibbi yardım briqadası xəstənin ünvanında olduğu halda Ü.Quliyevin “103” Çağrı Mərkəzinə saat 17:38-də yenidən müraciəti qeydə alınıb:
“Ünvanda təcili tibbi yardım briqadası olduğu üçün xəstənin müraciəti gözləməyə alınıb. Daha sonra yeni briqada tərəfindən müraciət icra olunub. Təcili tibbi yardım həkimi vəzifəsini protokola və etik davranış qaydalarına uyğun icra edib”.
Xatırladaq ki, Xətai rayonu, Zığ yolu, 29 ünvanında yaşayan Ü.Quliyevin martın 9-da halı qəfil pisləşib və o, təcili yardım briqadası çağırıb. Vətəndaş iddia edir ki, çağırışa gecikən təcili tibbi yardımın həkimi onu təhqir edib.
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO












