Yeni Klinikada pulsuz əməliyyat oluna bilərsiniz - VİDEO

Ötən ilin iyun ayından icbari tibbi sığortanın tətbiq edildiyi Yeni Klinikada Xidmətlər Zərfi daxilində müayinə və müalicələrlə yanaşı müxtəlif cərrahi əməliyyatlar da icra olunur.

Ümumi cərrah, Uzman Dr. Fariz Hüseynov Avtosfer.az-a bildirib ki, Yeni Klinikanın  Ümumi cərrahiyyə şöbəsində peşəkar həkimlər tərəfindən icbari tibbi sığortanın Xidmətlər Zərfi daxilində qalxanabənzər vəzin xaric edilməsi, öd daşı xəstəliyi, qaraciyərin parazitar xəstəlikləri (exinokokk), iltihabi bağırsaq xəstəlikləri (kron, xoralı kolit), mədə xorası və s. xəstəliklərin cərrahi müalicələri həyata keçirilir.

Vətəndaşlar Yeni Klinikanın Ümumi cərrahiyyə şöbəsinə müraciət edərək icbari tibbi sığortanın Xidmətlər Zərfi daxilində təqdim edilən xidmətlərdən tam təmənnasız yararlana bilərlər.

Qeyd edək ki, həyata keçirilən əməliyyatlar həm açıq, həm qapalı üsulla icra olunur.

Leyla