Yollara "sığmayan" motosikletlər - VİDEO

İndi paytaxt Bakının hər yerində demək olar ki, motosiklet və mopedlərə rast gəlinir. Ancaq bu minik vasitələrinin sürücüləri bəzi hallarda yol hərəkəti qaydalarına məhəl qoymurlar. Bu da bəzən qəzaların baş verməsinə gətirib çıxarır. Bu vəziyyətdən isə həm sürücülər, həm də piyadalar narazıdırlar

Bəziləri piyadalar üçün nəzərə tutulan səki ilə...

Bəzisi isə avtomobillərin sürətlə şütüdüyü yolda əks istiqamətdə hərəkət edir. Paytaxtın küçə və prospektlərində belə mənzərələrə tez-tez rast gəlinir. Xüsusən səyyar yeməkçatdırma restoranlarında xidmət göstərən motosiklet və mopedlərin sürücüləri yol hərəkəti qaydalarına əksər hallarda əməl etmirlər. Belə hallarda isə ya özləri qəza törədirlər, ya da başqa minik avtomobillərinin toqquşmasına səbəb olurlar. Elə bunun nəticəsidir ki, 2014-cü ildə paytaxt yollarında motosikiletlərin iştiraki ilə 19 yol-nəqliyyatı hadisəsi baş verib və həmin qəzalarda 15 nəfər dünyasını dəyişib. Piyadalar da motosiklet sürücülərinin onlar üçün təhlükə törətmələrindən şikayətlənirlər

Bütün bu iddiaları motosiklet və moped sürücülərinin özləri də təstiqləyirlər.Yol polisi isə bu cür minik vasitələrinə qarşı tədbirlər görüldüyünü deyir. Təkcə ötən həftə ərzində 16 belə minik vasitəsi saxlanılaraq cərimə meydançasına gətirilib.

xəzərxəbər