Yollardan silinən nişanlanma xətləri: "Boyaların rənginin solması hərəkət intensivliyi və..."

Paytaxtın bəzi mərkəzi və ətraf küçələrində çəkilən yol xətlərinin pozulması halları müşahidə olunur. Sürücülər və piyadalar da bununla bağlı narazılıqlarını bildirirlər. Belə ki, pozulan xətlərin görünməməsi piyadanın vurulması ilə nəticələnən yol-nəqliyyat hadisələrinə də səbəb olur.

Məsələ ilə bağlı Azərbaycan Yerüstü Nəqliyyat Agentliyi (AYNA) ilə əlaqə saxladıq. Qurumun mətbuat katibi Tural Orucov Yenicag.az-a açıqlamasında bildirdi ki, yol nişanlanma xətlərinin boyalarının silinməsi müxtəlif səbəblərdən baş verir:

“Boyaların rənginin solması yoldakı hərəkət intensivliyi və meteoroloji amillərin təsiri ilə əlaqədardır. Silinən nişanlanma xətlərinin yenilənməsi isə plan üzrə mərhələli qaydada həyata keçirilir”.