Ağdamda bir yaşayış evi tamamilə yanıb - FOTO

Ağdamda 4 otaqlı evdə yanğın baş verib.

Avtosfer.az xəbər verir ki, hadisə rayonun Xındırıstan kəndində qeydə alınıb.

Belə ki, rayon sakini Baxışov Asəf Albert oğluna məxsus ev əşyaları ilə birlikdə yanıb. Hadisə nəticəsində ev tamamilə yararsız hala düşüb.

Yanğın yerinə gələn FHN-nin yanğınsöndürən briqadaları alovun qarşısını alaraq yanğının yaxınlıqdakı tikililərə keçməsinin qarşısını alıb.

İlkin məlumata görə, yanğına səbəb elektrik xətlərində yaranan qısaqapanma olub.

Faktla bağlı araşdırma başlanıb.

(apa)