Ağsuda 31 yaşlı şəxs bıçaqlandı

Ağsuda bıçaqlanma hadisəsi baş verib.

Avtosfer.az APA-ya istinadla xəbər verir ki, gecə saatlarında baş verən hadisə zamanı rayonun Hacıqədirli kənd sakini 1994-cü il təvəllüdlü Fariz Ağabala oğlu Bəyalıyev həmkəndlisi, 1996-cı il təvəllüdlü Amil Bədəlov tərəfindən bıçaqlanıb.

Xəsarət alan şəxs kəsilmiş-deşilmiş bədən xəsarəti ilə rayon mərkəzi xəstəxanasına çatdırılıb. Hazırda vəziyyətinin ağır olduğu bildirilir. Polis əməkdaşları tərəfindən əməli törədən şəxs saxlanılıb.

Məlumatı Daxili İşlər Nazirliyinin Mətbuat Xidmətinin Şəki regional qrupundan təsdiqləyiblər.

Faktla bağlı araşdırma aparılır.