Autizm xəstəsi avtobus qaçırıb sərnişin daşıdı

Qəribə hadisə Almaniyanın Bremen şəhərində baş verib.

Avtosfer.az xəbər verir ki, 15 yaşlı yeniyetmə özünü təcrübəçi kimi təqdim edərək avtobus sürücüsünün yanında axşama qədər şəhəri dolaşıb. Sürücünün iş saatı başa çatdıqda o da avtobusu tərk edib.

Sürücünün gözdən itməsini gözləyən yeniyetmə qaraja qayıdaraq avtobusu işə salıb. Ardınca marşruta çıxaraq sərnişin daşımağa başlayıb. Bir neçə kilometr getdikdən sonra həmin xəttin digər sürücüləri onu tanımadıqları üçün polisə xəbər veriblər. Polis avtobusu dayandıraraq qaraja qaytarıb.

Autizm xəstəsi olan yeniyetmə atasında təhvil verilib. Avtobus heç bir qəza keçirməyib, sərnişinlər “sürücüdən” narazılıq etməyiblər.

Atası bildirib ki, yeniyetmə texnikaya xüsusi maraq göstərir. Uşağa qarşı heç bir cəza tədbiri görülməyib.

Vüqar