Avtomobil sifariş verdi, nə maşını gəlir, nə də pulu geri qaytarılır - VİDEO

Paytaxt sakini sosial şəbəkələrin birində xaricdən maşın sifarişi ilə bağlı elan görüb.

Avtosfer.az xəbər verir ki, Bakı sakini Hamlet Sadiqovun başına tragikomik hadisə gəlib. Belə ki, noyabr ayında "tiktok" platformasında xaricdən maşın gətirilməsi ilə bağlı elan görüb. Daha sonra həmin elanda qeyd olunan ofisə yaxınlaşıb. Elə bütün hadisələr də bundan sonra başlayıb.

O, iddia edir ki, dəfələrlə gətirilməyən maşını üçün ödədiyi pulu geri almaq istəsə də, hər dəfə ona boş vədlər verilib.

Pulu 4 aydır ki, geri qaytarılmır.

Məsələ ilə bağlı adı hallanan şirkətlə əlaqə saxladıq. Şirkətin direktor müavini Emin Əfəndiyev bildirdi ki, ödənilən məbləğlər yaxın günlərdə xaricdən hesaba köçürüləndən zərərəçəkənlərin pulları hesablarına köçürüləcək.

Şirkətdən o da bildirildi ki, vətəndaşa hazırda şirkətin ofisində olan xaricdən gətirilmiş maşınlardan başqa biri verilə bilər.

Mövzu ilə bağlı daha ətraflı videomaterialı təqdim edirik.