Bakıda "avtoşluq" edən tələbə həbs edildi

Bakıda "Mercedes Benz CLS 55 AMG Minik" markalı avtomobillə avtoxuliqanlıq edən tələbə saxlanılıb. 

Avtosfer.az-ın "Qaynarinfo"ya istinadən məlumatına görə, 2004-cü il təvəllüdlü F.H. barəsində İnzibati Xətalar Məcəlləsinin 342.1.3 və 511.1.3-cü maddələri protokol tərtib edilib və iş məhkəməyə göndərilib. 

Məlum olub ki, Bakıda universitetlərin birində təhsil alan F.H. Yasamal rayonu, H.Cavid prospekti ərazisində idarə etdiyi avtomobilin arxa nömrə nişanı çıxararaq avtoxuliqanlıq edib. 

O, saxlanılmazdan əvvəl sosial mediada həmin qeydiyyat nişanlı nəqliyyat vasitəsi ilə avtoxuliqanlıq hərəkətlərini əks etdirən video yayıb.

Məhkəmənin qərarı ilə F.H. İnzibati Xətalar Məcəlləsinin 511.1.3-cü maddəsində nəzərdə tutulmuş inzibati xətaları törətməkdə təqsirli bilinərək, barəsində nəqliyyat vasitəsini idarə etmək hüququ 1 il müddətinə məhdudlaşdırılmaqla 20 gün müddətə inzibati həbs tətbiq olunub.