Bakıda məhşur restoranda dava: Şəxslər əlbəyaxa oldular - VİDEO

Bakıda, "Niaqara" şadlıq sarayının qarşısındakı davada iştirak edənlərdən biri müəyyən olunub.

Bu barədə Oxu.az-a Daxili İşlər Nazirliyinin Mətbuat Xidmətinin əməkdaşı İbrahim Əmiraslanlı bildirib.

Onun sözlərinə görə, hadisə ilə bağlı Nəsimi Rayon Polis İdarəsində araşdırma aparılır:

"Davada iştirak edən şəxslərdən biri, 1981-ci il təvəllüdlü M.Həsənov müəyyən edilib, izahatı alınıb. Əlavə araşdırmalar davam etdirilir".

**

Bakının məhşur şadlıq saraylarının birində əlbəyaxa dava baş verib.

Avtosfer.az xəbər verir ki, hadisə ilə bağlı görüntülər sosial şəbəkələrdə paylaşılıb.

Görüntülər Səməd Vurğun küçəsində yerləşən "Niaqara" şadlıq sarayının qarşısında qeydə alınıb.

Belə ki, toydan çıxan şəxslər arasında mübahisə yaranıb, daha sonra onlar bir-birlərini yumruqlamağa başlayıblar.

Hadisənin hansı səbəbdən baş verdiyi isə hələlik məlum deyil.

Həmin görüntüləri təqdim edirik: