Bakıda taksi sürücüsünə saxta pul verilib? - Polis hərəkətə keçdi - VİDEO

Bakıda şəxsin taksi sürücüsünə saxta əsginas verməsi ilə bağlı görüntülər sosial şəbəkələrdə paylaşılıb

Avtosfer.az-ın məlumatına görə, Daxili İşlər Nazirliyinin (DİN) Mətbuat Xidmətinin əməkdaşı İbrahim Əmiraslanlı Oxu.az-a bildirib ki, sözügedən görüntülər araşdırılıb.

Xidmət əməkdaşı bildirib ki, avqustun 15-də paytaxtın Nizami rayonu ərazisində bir nəfərin taksi sürücülərinə saxta pul verməsi ilə bağlı polisə məlumat daxil olub:

"Polis əməkdaşları tərəfindən şübhəli şəxs E.Eynullayev müəyyən olunaraq ərazi üzrə polis orqanına gətirilib. Şəxsi axtarış zamanı onda saxta pul əsginasları aşkar edilməyib.

Araşdırmalarla həmin şəxsin mülki öhdəlikdən yayındığına görə axtarışda olması müəyyən edildiyindən aidiyyəti üzrə təhvil verilib.

Onun əməllərindən zərərçəkmiş digər şəxslərin müəyyən olunması istiqamətində araşdırmalar davam etdirilir".

**

Bakıda saxta pulla taksi sürücülərini aldadan şəxs peyda olub.

Bu barədə görüntülər sosial şəbəkələrdə paylaşılıb.

Ətrafdakı sürücülər onu hüquq-mühafizə orqanları ilə hədələsələr də lakin oralı olmayıb.

Həmin görüntüləri təqdim edirik: