Bakıda velosiped və motosiklet oğurlayan şəxslər saxlanılıb

Bakının Nizami və Suraxanı rayonlarında oğurluq edən şəxslər saxlanılıblar.

Avtosfer.az xəbər verir ki, Nizami rayonu B.Nuriyev küçəsindəki mənzillərin birinin qarşısından 300 manat dəyərində velosipedin oğurlanması barədə polisə məlumat daxil olub.

Nizami RPİ 24-cü Polis Şöbəsinin əməkdaşlarının keçirdikləri tədbirlərlə oğurluq əməlini törətməkdə şübhəli bilinən V.Məmmədov müəyyən olunaraq saxlanılıb.

**

Suraxanı rayonu Hövsan qəsəbəsi ərazisindəki evlərin birinin qarşısından “Tufan” markalı motosikletin oğurlanması barədə polisə məlumat daxil olub.

Suraxanı RPİ 30-cu Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən M.Həsənov müəyyən olunaraq saxlanılıb.

Hər iki faktla bağlı araşdırma aparılır.