Bərdədə qarpızın kanala atılması ilə bağlı paylaşılan görüntülərə - DİN-dən AÇIQLAMA - VİDEO (YENİLƏNİB)

Bərdə rayonunda qarpızın kanala atılması ilə bağlı paylaşılan görüntülərin təfərrüatları məlum olub. 
DİN-in Mətbuat Xidmətinin regional qrupundan Avtosfer.az-a bildirilib ki, vətəndaşın qarpızın satılmadığı ilə paylaşılan görüntülər Tik-tokda izləyici toplamaq məqsədi ilə çəkilib. O da məlum olub ki, vətəndaş elə həmin gün 11 tondan artıq məhsulunu bazar dəyərində satıb. Kanala atılan məhsullar satış üçün yararlı olmayıb.

**

Rayonların birində vətəndaşlar qarpızları kanala atıblar.

Avtosfer.az xəbər verir ki, bu barədə görüntülər sosial şəbəkələrdə yayılıb.

Onlar bunu etmələrinə səbəb kimi qarpızların alıcısının olmamasını göstəriblər.

Sosial şəbəkə istifadəçiləri isə vətəndaşların bu hərəkətini qınayıblar. Onlar bu hərəkətin həm israfçılıq olduğunu, həm də suyu çirkləndirdiyini bildiriblər.

Sözügedən görüntüləri təqdim edirik: